البروتوكول المخزني ورسائله !
البروتوكول المخزني ورسائله !
اذا بغيتي تفهم عمق السياسة الخارجية ، وهادشي لي طاري الأن ، رجع للأعراف الدبلوماسية الثقيلة ، وهنا كنتكلم على الدول القائمة بثقل تاريخي طبعا ، ماشي الملحقات لي تصنعت في جنح الظلام في مرحلة من دورة التاريخ ، كمؤامرة …!؟ إما بظهير فرنسي أو وثيقة بيع لقطعة أرضية ( وثيقة شنايدر ) ! ، بعدما كانت ملجأ للقراصنة والشلاهبية وقطاع الطرق !؟ أي قداسة الأرض وريحة الوطنية منعدمة ، بمعنى قطعة أرض بدون #تاريخ !؟ وهادشي لي سبق وقالو #ايمانويل_ماكرون في إحدى خطاباته الشهيرة ، في بلاد القطاطعية لي فاق صباح بكري يحكم ، بشرط الولاء التام لتفاقية إيفيان باش تترسم الخطوط العريضة للشرعية الزائفة ، وتضمن الولاء والحكم وسرقة الإمتيازات والثروات .
هاذ من جهة .
ما عليناش!؟
زيارة ماكرون ، خطاب #ماكرون في البرلمان ، الإتفاقيات المبرمة ، الإعتراف الواقعي ، هادشي كولو العدميون عندنا في المغرب من تيار الرهج الديموقراطي كيشوفوه خطر على الوجود ديالهم ، علاش لأن وجودهم مبني أصلا على أفكار القنينة والفتاة ومناهضة التيار الإستعماري الفرنسي ، زعما راهم مناضيلين ! وجيهة الممانعة!
والحقيقة هم مجرد زوبعة خاوية وعجعجة بلا طحين وفكر بالي ماعندو قيمة ولا تأثير ، بل انتهازيين ، بل نقدو نقولو عليهم “بياعة” نامبر وان بقناع مزدوج ، والدليل هو التواصل ديالهم الدائم بلا حشمة بلا حيى مع ذيول جنوب أفريقيا لي كيعتابرو المغرب (بلد محتل) ، وهنا غادي رجعكم لصورة لي دار ويحمان مع #حفيد_نيلسون_مانديلا
وبفتخار ، هذا الأخير لي صرح في أحد ملاعب الجزائر من بعدما دا معاه مليون دولار رشوة : أن البوليساريو هي آخر مستعمرة في إفريقيا !! ، والزيارة لي دار أيضا غالي الحقوقي للسفارة ديال جنوب أفريقيا مع إهداء بوكي ديال الورد !!! (الرومانسية والعكر فوق لخنونة)
بمعنى آخر ، المصالحة والزيارة التاريخية ديال فرنسا معجباتش صحاب صايتي خوريتي ، قلقتهم بزاااف ، عليها خرجو بلاغ على وجه السرعة كيقولو فيه : (الزيارة زيرو) وخصنا الإعتذار هههه !! وهد الأسطوانة ديال ( الإعتذار) وملف الذاكرة كتردد بزاااف إذا لاحظتو في الشارع الجزائري عند نظام #الكراغلة بأمر من العسكر طبعاً ، وهادو دارو ليه كوبي كولي ، وبغاو يطبقوه عندنا في الشارع المغربي ، يعني الرفاق ديال ستة حمص مثأثرين بالفكر ديال بوصبع لمبردع ، وهادشي ماشي غريب على تيار كيشوف النظام المغربي خطر 
وخاصو يطيح ويسقط ، إيمانا منهم بفكرة (بؤرة الثورة) الشاملة ، يعني باغينها تنوض في الجنوب وتوصل الشمال باش قاليك هما يشدو الحكم ويحكمونا 
،
قصر النظر ديالهم والعنفوانية في التعاطي مع الوقائع كيجعلهم بحال الشيخة الصمكة ، معرفنش أن #المغرب ضرب ضربة معلم وقدر يحكم فرنسا ب 25 مليار ديال الدولار ، رغم أن ماكرون يمر بأزمة اقتصادية خانقة ، خلاتو يفرض الضريبة على #المهاجرين سنويا ب 1500 أورو …ويزيد في الرسوم على الشركات ، لكن شروط المغرب للمصالحة كانت هي الفيصل في توزيع الغنيمة بالتساوي وإنشاء شراكة مالية ب 3 المليار دولار ، المغرب غيدفع فيها فقط الربع ، وليني غتكون عندو نصف الأسهم والإيرادات ، كما أنه شرط الإستقلال عن المحفظة المالية الأوروبية ، مع الإستيلاء على كل الهياكل العملاقة من مؤسسات المال والأعمال ، لي كانت خدامة في المغرب وكتستنزف الثروة ، وهنا غرجعو لشركة la société générale لي شدها مولاي حفيظ العلمي وماشي سهلة !؟ وأيضا الشركات الأخرى لي شداتها عائلة بن صالح ، يعني المخزن دخل طول وعرض في عملية إجثثات وتشطيب الرأسمال الأوروبي وقام بمغربته ، مع العلم أن هاد المؤسسات المالية عندها فروع كبيرة في إفريقيا ، يعني المغرب بييين على علو الكعب ديالو كقوة إقليمية ناعمة وهادئة بلا صداع الراس، لي ميمكنش تروضو أي قوة كبرى كفما بغات ، هاعلاش ولينا نشوفو الإعلام العالمي ومعاهد التفكير المرموقة كمعهد بروكينگز كيتكلم على انتقال الشراكة بين المغرب وفرنسا من الإستراتيجية إلى الإستثنائية ، لي من خلالها تمكن من إقحام الشركات الفرنسية في الجنوب المغربي برأسمال عملاق غد يلزم الرؤساء الفرنسيين المسقبليين على طأطأة الرأس واخضاعهم لبيت الطاعة ، وغادي يبقاو يفكرو مليون مرة على أي تغيير للمواقف السياسية بل الدفاع عليها ، يعني اذا تقاصت مصالح فرنسا في الجنوب المغربي مستقبلا ، حنا مغديش نطلقو ولو رصاصة واحدة 
هذا كيستمى بلغة العباقرة تبياع العجل الفرنسي ، ناهيك على وصول المليون ونصف وثيقة تاريخية لي خلعات دكان المرادية والقشتاليين بجوج ، حت فيها الصحراء الغربية والشرقية والثغور المحتلة ، صناعة القرار سياسي عند صقور القصر كتخلع وكلشي ولا كيضرب ليها ألف حساب ، ويجب أن تدرس صراحة في ارقى المعاهد وأعتى الجامعات.
ذهاء دار المخزن الإستراتيجي خلى الغرب كيشوف بنظارة محمد السادس للعلاقات رغما عن انفهم ، وحتى المريكان عرفو انهم لا مجال للمناورة والإعترافات الورقية موكلاش مع المعلم ؟ وبداو كيلاحظو وكيدخلهم الصهد من التقارب مرة أخرى مع الجبهة الفرانكفونية
هدشي دار دجة كبيرة و خلا #أمريكا كتشطح بالخلعة على مصالحها في الجنوب المغربي وخصوصا بالداخلة قدام جبل تروبيك ، عليها جو بايدن الهبيل برمج زيارة عاجلة لقائد الأسطول السادس ووفد رفيع المستوى من الكونغرس ، باش يزور #الإمبراطورية المغربية عاجلا ، يعني المخزن خلا القوى الكبرى كتنافس عليه ، على أرض الرباط ، لي من طبيعة الحال هد التنافس غيسرع من اخراج قنصلية أمريكا بالداخلة ، وغتكون الضربة القاضية قبل الإنتخابات الرئاسية وضروري قبل ؟ لأن الضمانات مع هاريس صعيبة …يتبع
تحياتي
بقلم الصحفي المهني #سمير_زعيمة
شارك هذا المحتوى :
إرسال التعليق